Osmani tha se në minierë rreziqet janë të papritura, ndërsa si më të mëdhat ai përmendi gazrat dhe ujin.
“Në minierë janë rreziqet e papritura aty ka edhe gazra që munden me shpërthy, është rrezik edhe prej ujit, ka burime uji ku 3500 litra ujë vijnë në minut. Pra, rreziku më i madhi në minierë është prej ujërave dhe gazrave”, tha ai.
Osmani theksoi se pavarësisht këtyre rreziqeve, për momentin gjendja në minierë është nën kontroll.
“Mirëpo këtu kemi pak fat sepse Trepça është minierë që nuk ka shumë gazra sikur këto minierat e thëngjillit që janë, të cilat kanë metal. Ujin e kontrollojmë ne dhe janë pompat të cilat e bartin ujin. Pra rreziku është por, për momentin është nën kontroll”, shtoi Osmani në Tëvë1.