Haradinaj në Tëvë1 tha se nënshkrimi i marrëveshjes mes presidentit serb dhe atij rus është mundësuar edhe si pasojë e refuzimit të gazsjellësit amerikan nga kryeministri i Kosovës, Albin Kurti.
Teksa ka shtuar se një meritë për nënshkrimin e kësaj marrëveshje të dëmshme për Kosovën, e ka edhe presidentja e vendit Vjosa Osmani, për siç tha ai, heshtjen e saj karshi kryeministrit Kurti, kur ky i fundit i kishte thënë jo gazit amerikan.
“Pra presidentja jonë ia ka mundësu një narrativë Vuçiqit të Serbisë e Putinit me heshtjen që e ka bërë ajo ndaj kryeministrit të Kosovës kur i ka thënë jo gazit amerikan. Ai gaz nëse do të ishte në dinamikën e vet dhe do të thuhej në që 2023 ose 2024 është në Prishtinë. Opsioni ka qenë me qenë po ashtu mundësia e bartjes edhe në vende tjera, që i bie opsioni ka qenë për amerikanët me i thënë Vuçiqit s’ke nevojë ti për kontratë afatgjate me atë se ta bimë ne në Serbi. Pra, Vjosa Osmani dhe Albin Kurti e kanë mundësu këtë që po ndodhë me JO-në që i kanë thënë gazit amerikan prej Shkupit deri në Prishtinë, e që nuk është jo vetëm për energjinë ashtu siç thatë ju, lista është e gjatë e pasojave direkte jo rrethanore për Kosovën”, tha Haradinaj në emisionin “ Këndi i Debatit”.
Kurse të dielën gjatë një bisede telefonike, presidenti rus Vladimir Putin dhe ai serb Aleksander Vuçiq u dakorduan për nënshkrimin e një kontrate të re 3-vjeçare për gazin./teve1.info/
