Pas ndërhyrjes së fundit të Ministrit të Sigurisë Kombëtare Izraelite, Itamar Ben-Gvir, në kompleksin e Xhamisë Al-Aksa, Ministria e Jashtme Saudite lëshoi një deklaratë të fortë duke paralajmëruar se veprime të tilla rrezikojnë destabilizimin e rajonit.
Ministria shprehu dënimin e Arabisë Saudite “me termat më të ashpra të praktikave provokuese të përsëritura nga zyrtarët e autoriteteve pushtuese izraelite kundër Xhamisë Al-Aksa”. Ajo shtoi se mbretëria “pohon se praktika të tilla nxisin konfliktin në rajon
Ministria dënoi “në termat më të ashpra praktikat provokuese të përsëritura nga zyrtarët e autoriteteve pushtuese izraelite kundër Xhamisë Al-Aksa”. Ajo theksoi se këto akte “nxisin konfliktin në rajon” dhe i bëri thirrje bashkësisë ndërkombëtare të ndërhyjë dhe “t’u japë fund veprimeve të zyrtarëve pushtues izraelitë, të cilët shkelin ligjet dhe normat ndërkombëtare dhe minojnë përpjekjet për paqe në rajon”.
Veprimet e Ben-Gvir kanë tërhequr gjithashtu kritika të ashpra nga zyrtarët palestinezë, Hamasi dhe Jordania fqinje. Qeveria jordaneze dënoi marshimin e udhëhequr nga Ben-Gvir drejt Xhamisë Al-Aksa si një “shkelje flagrante të së drejtës ndërkombëtare”.
Në një deklaratë të postuar në platformën e mediave sociale X, një zëdhënës i Ministrisë së Jashtme të Jordanisë theksoi rolin e mbretërisë si kujdestar i Xhamisë Al-Aksa – një nga vendet më të shenjta të Islamit – dhe i përshkroi ndërhyrjet e përsëritura nga Ben-Gvir dhe kolonët izraelitë, të mbrojtur nga policia, si një “shkelje flagrante të status quo-së historike dhe ligjore” të xhamisë.
Zëdhënësi Sufian al-Qudah paralajmëroi për pasojat e rrezikshme të këtyre shkeljeve të vazhdueshme provokuese dhe të paligjshme të vendeve të shenjta islame dhe të krishtera në Jerusalem.
Ai i kërkoi Izraelit, si fuqi pushtuese, të ndalojë “të gjitha praktikat provokuese nga ministri ekstremist Ben-Gvir”, ka shkruar Al Jazeera.
Deklarata akuzoi më tej qeverinë izraelite për ndjekjen e një politike ekstremiste që synon përshkallëzimin e tensioneve në mënyrë të njëanshme në Bregun Perëndimor të pushtuar dhe shkeljen e shenjtërisë së vendeve fetare në Jerusalem, si islamike ashtu edhe të krishtera.
