Kryetari i Nismës Socialdemokrate, Fatmir Limaj ka përsëritur qëndrimin e kësaj partie se nuk është për një zgjidhje parciale.
Ai ka thënë se si parti do ta japin kontributin e tyre në krijimin e institucioneve të reja kur të sigurohet shumica qeveritare.
Limaj para medieve pas dështimit të tentativës së 52-të për konstituimin e Kuvendit ka thënë se mungesa e votave për qeverinë është problemi dhe jo kryetari i Kuvendit.
“Vazhdimisht kam thënë shumicë parlamentare, nuk ka zgjidhje parciale. Është bërë temë çështja e kryetarit të Kuvendit, për mua asnjëherë nuk ka qenë. Fundamenti i kësaj pune është mungesa e numrave të shumicës për qeverinë. Po të ishin votat, ato demonstrohen. Nisma nuk shkon të zgjidhjet paracilae, nuk kontribuon për shkuarje në zgjedhje. Kur të jemi të sigurt që po krijohet një shumicë qeveritare ne do të kontribuojmë për formimin e institucioneve”, ka thënë Limaj
