Ushtarët kroatë nga Komanda Rajonale Perëndim e KFOR-it kanë planifikuar dhe realizuar patrullime në Vërmicë, në pjesën jugore të Zonës së Përgjegjësisë së kësaj komande.
Përmes njoftimit, KFOR-i ka theksuar se patrullime të tilla realizohen për të mbështetur dhe garantuar sigurinë për të gjitha komunitetet.
“Prania e tyre në terren është e rëndësishme për ruajtjen e një ambienti të sigurt dhe stabil, ndërsa ndërveprimi i rregullt me popullatën lokale ndihmon në forcimin e besimit në KFOR dhe forcon rolin e tij të paanshëm në të gjithë rajonin”, thuhet në njoftimin e KFOR-it.
