Edhe pse ka nisur fluksi i mërgimtarëve që po kthehen për pushime verore në Kosovë, situata në pikat kufitare paraqitet e qetë dhe pa vonesa të mëdha.
Sipas përditësimit të fundit nga Qendra Kombëtare për Menaxhim të Kufirit, më së shumti pritje janë regjistruar te pika kufitare “Dheu i Bardhë”, ku qytetarët po presin 30 deri në 35 minuta për të hyrë në Kosovë.
Në anën tjetër, në të gjitha pikat e tjera kufitare, pritjet janë minimale – nga 5 deri në 10 minuta – duke lehtësuar qarkullimin e automjeteve dhe udhëtarëve.
Autoritetet kufitare apelojnë për durim dhe bashkëpunim nga qytetarët, si dhe këshillojnë që të shfrytëzohen edhe pikat alternative për të shmangur pritjet më të gjata.
