Qendra e Paralajmërimit për Cunami në Paqësor ka lëshuar një paralajmërim për Gadishullin Kamchatka të Rusisë pas dy tërmeteve — më i madhi me një magnitudë 7.4 — që goditën detin aty pranë të dielën.
Tërmeti më i madh ishte në një thellësi prej 20 kilometrash dhe ishte 144 kilometra në lindje të qytetit të Petropavlovsk-Kamchatsky, i cili ka një popullsi prej 180,000 banorësh, sipas Shërbimit Gjeologjik të SHBA-së.
Pak minuta më parë, një tërmet me magnitudë 6.7 u regjistrua në afërsi.
Qendra Gjermane e Kërkimeve për Gjeoshkencat (GFZ) tregoi se tërmete të dyfishta me magnitudë mbi 6.5 ballë goditën pranë bregdetit të Kamçatkës, në lindjen e largët të Rusisë, herët të dielën. Ajo mati tërmetet në magnitudë 6.6 dhe 6.7 dhe thellësinë e të dyve në 10 kilometra (6 milje).
Matjet e tërmeteve shpesh ndryshojnë në orët e para pasi ato ndodhin.
Nuk pati raportime të menjëhershme për viktima, raporton AP.
Më 4 nëntor 1952, një tërmet me magnitudë 9.0 në Kamchatka shkaktoi dëme, por nuk u raportuan viktima, pavarësisht se shkaktoi valë 9.1 metrash (30 këmbë) në Hawaii.
