Kryetari i Aleancës për Shqiptarët në Maqedoninë e Veriut, Zijadin Sela ka akuzuar Arben Taravarin për shkelje të organeve të partisë.
Duke folur për atë se kush është kryetar i kësaj partie ai ka thënë se Taravari ka shfrytëzuar mundësinë që ka “pas vulën në xhep”, por ai ka thënë se dy herë ka fituar rastin në Gjykatën Themelore në Tetovë dhe është në pritje të vendimit nga Gjykata e Apelit.
Ai në emisionin “Këndi i Debatit” në Tëvë1 ka thënë se vonesa prej 5 muajve nga Gjykata e Apelit është e qëllimshme.
“Aleanca për Shqiptarët ka organet partiake, i ka pas cdo herë, kur ka funksionuar si e tërë dhe kur ka arrit vetëm suksese dhe në qoftë se kthemi një vit më parë, nuk mund të quhet kryetar partie dikush që shkel mbi organet partiake. Dy herë e kam fituar procesin gjyqësor në Gjykatën Themelore në Tetovë dhe tani jam në pritje që 5 muaj që të marr vendim Gjykata e Apelit, është e tepërt aq më shumë që tash po na ofrohen zgjedhjen. Është e qartë që dikush dëshiron ta mbajë peng, Aleancën për Shqiptarët, Zijadin Selen dhe kauzat e Aleancës për Shqiptarë”, ka thënë Sela.
