Kryetari i Prishtinës, Përparim Rama, ka thënë se zjarri në objektin banesor te Parku i Qytetit është lokalizuar dhe se përveç dëmeve materiale nuk ka banorë të lënduar.
Ai ka falënderuar zjarrfikësit të cilët i ka quajtur heronj.
“Nuk ka të lënduar normal që ka dëmë materiale por nuk duken që janë të mëdha. Zjarrfikësit kanë intervenuar shumë shpejt dhe kanë sanuar zjarrin nuk ka më rrezik. I falënderoj zjarrfikësit për gjithë punën në ditën e fundit ku kanë 206 intervenime për 15 ditët e fundit”, ka thënë Rama.
Ndërsa, Malë Gashi drejtor zjarrfikësve ka thënë se zjarri ka përfshirë dy pjesë të kulmeve të dy ndërtesave.
“S’ka njerëz të lënduar, nuk ka pas zjarrfikës nga komunat tjera për ndihmë Nuk ka gjasa për mu zgjerua zjarri, do të qëndrojmë kujdestar. Janë dy pjesë të kulmeve të dy ndërtesave të përfshira nga zjarri. Është me konstatua shkakun”, ka thënë ai, raporton teve1.info.
