Njohësi i çështjeve të sigurisë dhe drejtori i Institutit Octopus, Agim Musliu, ka thënë se punëtori i operatorit serb “MTS”, ka qenë i përfshirë në sulmin terrorist në Banjskë të Zveçanit në shtatorin e vitit 2023.
Sipas tij, Vladimir Radivojeviq, i njohur si “Mami”, një nga figurat kryesore të përfshira në sulmin terrorist në Banjskë ka qenë i punësuar në MTS, si shofer personal i drejtorit të kësaj kompanie, Zoran Millojeviq.
Postimi i plotë i tij:
Operatorit serb “MTS” i paska penguar statusi im për ta, i paskan reaguar portaleve qe e publikuan lajmin për reagimin tim për aktivitetin e tyre të dyshimtë. Ju mund të bëni edhe padi, por faktet nuk mund ti zhdukni për implikimin e juaj në mbështetje të grupit terrorist.
Një pyetje e kam për MTS-in.
A e dinit ju se personi i përfshirë në sulmin terrorist në Banjskë ishte punonjësi i juaj dhe ka marrë pagë nga kompania e juaj? Pse nuk reaguat për këtë?
Sipas burimeve të mija brenda strukturave të sigurisë, personi i përfshirë në sulm terrorist, Vladimir Radivojeviq i quajtur ‘Mami’, me vite ka marr pagë prej juve në vlerë deri 1,246.26€ në muaj, i nderuar ‘MTS’.
Sa për rikujtim, Vladimir Radivojeviq, i njohur si “Mami”, një nga figurat kryesore të përfshira në sulmin terrorist në Banjskë ka qenë i punësuar në MTS, si shofer personal i drejtorit të kësaj kompanie, Zoran Millojeviq.
Vladimir Radivojeviq “Mami” është emër i njohur për strukturat e sigurisë së Kosovës si përgjegjës për organizimin e barrikadave në veri dhe i lidhur ngushtë me strukturat ilegale, dhe me Listën Serbe. Pra, figurë kuçe e Organizatës Terroriste “Mbrojtja Civile” si dhe personi kyç për futjen e armeve ilegale nga Serbia në Kosovë, para dhe gjatë kohës se barrikadave.
I njëjti, në vitin 2021 ka shkuar së bashku me Goran Rakiqin dhe përfaqësues e përkrahës tjerë të Listës Serbe, në takim me Vuçiqin. I njëjti ‘Mami’ punonjësi i MTS-it, në stilin e “mitingjeve të solidaritetit” të viteve ‘80 të shekullit të kaluar, e qante hallin e serbëve të Kosovës para Vuçiçit. Në atë takim iu pat drejtu Vuçiqit me fjalë “Nëse Serbia nuk intervenon dhe nuk bënë diçka në lidhje me ndalimin e prezencës së Policisë së Kosovës në veri, atëherë do të bëjë diçka të madhe dhe do të largohen përgjithmonë nga Kosova”. Punëtori i juaj e mbajti fjalën e dhënë Vuçiqit, bëri “diçka të madhe”, sulmoj Banjskën bashkë me Radoiçiqin dhe shokë të tjerë.
