Disa persona u plagosën në Suwayda të mërkurën, ndërsa ushtria izraelite rifilloi sulmet ajrore në provincën jugore siriane, thanë mediat siriane.
Agjencia shtetërore e lajmeve SANA tha se dronët izraelitë nisën sulme në provincë, duke plagosur disa persona, pa dhënë detaje të mëtejshme.
Radioja Ushtarake e Izraelit konfirmoi sulmet, duke thënë se sulmi kishte në shënjestër asetet e ushtrisë siriane në zonë, citon Anadolu.
Sulmet erdhën menjëherë pasi Ministri Izraelit i Mbrojtjes, Izrael Katz, kërcënoi se do të vazhdojë të sulmojë forcat siriane nëse ato nuk tërhiqen nga provinca Suëayda, e cila po përjeton trazira midis komuniteteve Druze dhe Beduine.
Ndërkohë, Bashkimi Evropian ka reagur dhe shprehur shqetësim të mërkurën për përshkallëzimin e sulmeve ushtarake të Izraelit në territorin sirian, duke u bërë thirrje të gjithë aktorëve të jashtëm të respektojnë plotësisht sovranitetin dhe integritetin territorial të Sirisë.
Në një deklaratë, zëdhënësi i BE-së, Anouar El Anouni, tha: “BE-ja është e alarmuar nga përleshjet e vazhdueshme në Sëeida (Suëayda), të cilat kanë rezultuar në shumë viktima, dhe dënon fuqimisht dhunën e raportuar kundër civilëve.”
“Në dritën e sulmeve në rritje të Izraelit në territorin sirian, ne u bëjmë thirrje të gjithë aktorëve të jashtëm që të respektojnë plotësisht sovranitetin dhe integritetin territorial të Sirisë”, shtoi ai.
Izraeli rinovoi sulmet ajrore në Suwayda në Sirinë jugore të mërkurën, në shkeljen e fundit të sovranitetit të vendit. Tel Avivi pretendon se sulmet synojnë të mbrojnë komunitetin Druze në Siri.
