Korporata Energjetike e Kosovës (KEK) ka bërë të ditur se gjatë muajit korrik ka tejkaluar prodhimin e energjisë në bazë të kërkesat ditore.
KEK ka bërë të ditur se njësitë prodhuese janë duke operuar me kapacitete të plotë.
“Gjatë ditëve të para të muajit korrik 2025, prodhimi nga KEK jo vetëm që ka përmbushur, por e ka tejkaluar kërkesën ditore të energjisë elektrike, me një mbulueshmëri që ka arritur deri në 117%.Njësitë tona prodhuese, ndonëse të stërvjetëruara dhe me sfida teknike të trashëguara, janë duke operuar me kapacitet të lartë, duke mundësuar mbulim të plotë të konsumit vendor dhe garantuar furnizim të qëndrueshëm dhe të besueshëm për qytetarët e Kosovës”, thuhet nga KEK.
