Hetem Ajeti tregoi se aksionin e parë së bashku me Mehmet Visoken e Murat Ajetin, kishin vendosur ta nisnin në aeroportin e Dumoshit.
Pjesëtari i “Treshës së Llapit”, rrëfeu se fillimi i sulmit ka qenë në tenda, pra kur pjesëtarë e forcave serbe ishin në gjumë.
Ndërkaq, pas krismave të 3 pushkëve tona, një epror doli nga tenda e në gjuhën serbe na tha “ndërprejeni zjarrin”, tregoi tutje Ajeti.
“Aksioni i parë ka qenë në aeroportin e Dumoshit. Kështu që me Mehmet Visoken dhe Murat Ajetin e vendosëm që aksionin e parë ta bëjmë aty, kemi shkuar te aeroporti, i kemi sulmuar në tenda sepse e kemi marrë parasysh se janë duke fjetur, ku më pas kemi filluar me 3 pushkë të gjuajmë. Ndërkohë pas krismave që janë bërë aty ka dalë një epror nga objekti dhe në gjuhën serbe na tha “ndërprejeni zjarrin”, tha Ajeti në emisionin “Infonata” në Tëvë1.
Sulmet e këtij grupi vazhduan deri në vitin 1996.