Presidentja e Kosovës, Vjosa Osmani, ka reaguar pas vdekjes së 27-vjeçarit në Lipjan, rreth të cilës ekzistojnë dyshime serioze se ka ndodhur gjatë ndërhyrjes së Policisë së Kosovës.
Në deklaratën e saj, Presidentja e cilësoi rastin si “ngjarje të rëndë dhe tronditëse”, duke kërkuar transparencë të plotë, përgjegjësi institucionale dhe drejtësi të pakompromis.
“Të gjitha rrethanat e këtij rasti duhet të hetohen menjëherë, në mënyrë të pavarur dhe profesionale,” tha Osmani, duke shtuar se “çdo zyrtar që mund të ketë shkelur ligjin apo tejkaluar kompetencat duhet të vihet përpara drejtësisë pa asnjë vonesë. Askush nuk është mbi ligjin.”
Reagimi i Presidentes vjen në një kohë kur rasti ka ngjallur reagime të ashpra në publik dhe institucione, ndërsa pesë zyrtarë policorë janë suspenduar dhe arrestuar nën dyshimet për veprën penale “vrasje nga pakujdesia”.
Hetimet për rastin janë duke u zhvilluar nga Prokuroria Themelore e Prishtinës dhe Inspektorati Policor i Kosovës, ndërsa Instituti i Mjekësisë Ligjore ka bërë të ditur se rezultatet e autopsisë ende nuk janë përfunduar.
Postimi i plotë:
