Politologu, Dorajet Imeri ka deklaruar se po të kishte vullnet politik dhe marrëveshje politike për votimin në mënyrë të fshehtë, Kuvendi do të konstituohej.
Imeri thotë se partitë opozitare do të jenë fajtore për vonimin e konstituimit të Kuvendit, ngase sipas tij ata po vazhdojnë të bëjnë vazhdimin e një fushate elektorale.
“Po qe të kishte vullnet politik dhe marrëveshje politike që të votohet në mënyrë të fshehtë, kjo çështje do të kalonte prej kohësh, pra Gjykata Kushtetuese ka folur me gjasë për parimet se që ka fol diçka specifikisht për një procedurë. Ne duhet të ulemi të dakorodohemi dhe të shkojmë një hap më tej, pra nëse eventualisht ka nevojë për një kompromis unë do t’i ftoja përsëri partitë politike që të mos i shohin këto fitore momentale. Partitë opozitare do të jenë fajtore për vonimin e konstituimit të Kuvendit. Partitë politike duhet të shmangen këtë gjuhë, t’i ulin perspektivat e tyre partiake në mënyrë që mos të shohin këso fitoresh elektorale sepse më duket që është vazhdim i një fushate që është lënë gjysmë në procesin e votimit për zgjedhje muaj më parë. Vazhdimi i një fushate nga të gjitha partitë politike”, ka thënë Imeri në emisionin “Ditari” në tëvë1./teve1.info/
