Real Madrid – Juventus, do të jetë përballja e gjigantëve të Evropës në 1/8 e finales të Botërorit të klubeve.
Kjo ndeshje luhet sot prej orës 21:00 në “Hard Rock Stadium” të Miamit kurse fituesi avancon në çerekfinale.
Reali vlerësohet favorit pasi në fazën e grupeve regjistroi dy fitore e një barazim në tri ndeshje të luajtura, ku mposhti Pachucan e Salzburgun derisa barazoi me Al-Hilalin.
Në anën tjetër, Juventusi pas dy fitoreve në grup, në ndeshjen e fundit u mposht me rezultatin e thellë 5:2 nga Manchester City dhe ndaj Realit kërkon fitoren për të vazhduar garën në këtë turne.
Reali në këtë ndeshje pritet të ketë në dispozicion francezin Kylian Mbappe që është shëruar plotësisht nga problemi në stomak derisa trajneri Xabi Alonso llogarit edhe në brazilianin Endrick e mbrojtësin Antonio Rudiger.
Trajneri i Juventusit, Igor Tudor do ta ketë vetëm një mungesë, mbrojtësin Nicolo Savona që u dëmtua ndaj Cityt.
