Boksieri nga Smolica e Gjakovës, Sami Ahmeti, është shpallur kampion i botës për junior “WBC Youth World”, në kategorinë Super-Welter.
Të shtunën në Munih të Gjermanisë, Ahmeti triumfoi kundër kolumbianit Alexander Moreno me vendim unanim të gjyqtarëve.
Kjo ishte fitorja e nëntë në boksin profesionist për 21-vjeçarin në po aq duele.
Vlen të theksohet organizimi unik nga A.K. Promotion.
“Falenderoj të gjithë për përkrahjen e madhe që më keni dhënë sonte. E arrita atë që e kam dashur. Ende asgjë nuk keni parë. Falënderoj familjen time, trajnerin Agron Kurtishi dhe sponsorin tim Sali Jasiqi”, u shpreh Ahmeti.
Boksieri i talentuar ishte dominant gjatë gjithë meçit, duke mos i lënë kundërshtarit asnjë shans.
Ai pati mbështetje të madhe nga publiku, të cilët e motivuan duke e thirrur emrin e tij gjatë gjithë kohës.
