Për të hyrë brenda Kuvendit, rrugën nuk e patën të lirë si zakonisht.
Deputetët e Kuvendit të Kosovës po i prisnin përfaqësuesit e shoqërisë civile me një aksion simbolik.
Në drejtim të tyre, patën edhe pyetje.
“A po na tregoni kur iu bohet boll”
E në duar, mbajtën edhe disa pankarta me mesazhe në drejtim të tyre.
Madje njëri nga ta, përmes aksionit hapi edhe konkurs për deputetë të ri.
“Konkurs për deputetë të ri”
Sipas Mexhide Demolli nga Lëvizja FOL, ky do të jetë vetëm fillimi dhe aksione të tilla do të vazhdojnë.
Për Eugen Cakollin nga Instituti Demokratik i Kosovës, më këto 37 dështime Kuvendi është shndërruar në cirk.
“Ajo që po shohim, ndonëse për publikun kjo situatë ka kaluar çdo kufi të normales dhe është bërë e papranueshme, duket se të vetmit që nuk shqetësohen janë deputetët e Kuvendit. Ata, me një papërgjegjësi të plotë, po e trajtojnë situatën aktuale si diçka të zakonshme, ndonëse nuk është aspak e tillë. Kuvendi është shndërruar në një cirk të demokracisë, që po vazhdon me një shfaqje tragjiko-komike”, tha Cakolli.
Këtë aksion simbolik të drejtë e pa kryetari i Aleancës për Ardhmërinë e Kosovës, Ramush Haradinaj.
