Shoqata e Kosovës për Kërkim-Shpëtim ka njoftuar se kërkimet për gjetjen e një personi të zhdukur në fshatin Gorozhup, në regjionin e Hasit, ende janë duke vazhduar me intensitet të shtuar.
Sipas njoftimit, ekipet e kërkim-shpëtimit po punojnë në terren në koordinim me Policinë e Kosovës, Zjarrfikësit, si dhe me vullnetarë lokalë, për të lokalizuar personin e zhdukur.
Autoritetet bëjnë thirrje për bashkëpunim të qytetarëve, duke ftuar që çfarëdo informacioni i dobishëm të ndahen menjëherë me institucionet përgjegjëse, në numrat 112 apo 045 112 102.
“Kërkimet do të vazhdojnë derisa të kemi rezultate,” thuhet në deklaratën e Shoqatës për Kërkim-Shpëtim.
Shoqata falënderon të gjithë qytetarët për mbështetjen dhe solidaritetin, ndërsa apelon për kujdes dhe bashkëpunim të mëtejshëm gjatë këtij operacioni të ndjeshëm.
