Fillimisht u vendosën pajisjet. Sikur mbi të, ngjashëm u bë edhe nën urë.
Kështu këta punëtorë nisën punën e tyre në orët e para të mëngjesit të së martës, këtu mbi Urën e lumit Ibër.
Kjo pasi që tek pas një viti, sërish filloi testimi dhe matjet e Urës që lidh Mitrovicën e Jugut e atë të Veriut.
Në çdo hapësirë matja po bëhej nën vëzhgimin e trupave të KFOR-it, italianë, britanikë e zviceran.
Pas matjeve, Ura e Ibrit u mbush me makineri të rënda, kësisoj duke u bërë testimi për qëndrueshmëri.
Tëvë1 mëson se e gjithë kjo ka nisur pas një vendimi që ka marrë Bashkimi Evropian, të cilët edhe kanë kontraktuar kompaninë për të kryer punimet.
Të njëjtit në pyetjet e dërguara nga televizioni, nuk kanë kthyer përgjigje.
“Më 9 gusht të vitit 2024, Qeveria e Republikës së Kosovës kishte marrë një vendim për tu bërë testimi i Urës mbi lumin Ibër, për cka ishin bërë edhe matjet ndërkaq kanë përfunduar sipas plani ngjyrosja dhe gjitha vep[rimet të tjera. Kemi biseduar me pjesëtarë të KFOR-it të cilët mbrapa kamerës kanë thënë se nuk ka dicka të jashtëzakonshme, përvec asaj që janë duke u bërë disa testime”,kanë thënë nga BE-ja
Në anën tjetër, qytetarët thonë se Ura e Ibrit duhet të hapet, por jo edhe të politizohet.
“Ish duftë pse mos të hapet, janë 100, është një poshtë, një këndej edhe kjo pse mos të hapet. Kjo e ndihmon qarkullimin, qarkullimi është se del më afër edhe për minoritet serb edhe për neve krejt” , ka deklaruar një qytetar.
Në një përgjigje përmes telefonit, zëvendësministri në detyrë i Infrastrukturës, Hysen Durmishi ka thënë për Tëvë1 se nuk kanë pranuar asnjë informacion për testimin dhe matjen e Urës mbi Ibër.
