Ministri izraelit i Mbrojtjes, Israel Katz, urdhëroi të martën Forcat e Mbrojtjes së Izraelit (IDF) të kryejnë sulme intensive në kryeqytetin iranian, Teheran, duke akuzuar Iranin për shkelje të armëpushimit të ndërmjetësuar nga SHBA.
“Unë i dhashë udhëzime ushtrisë IDF, në koordinim me Kryeministrin, që të vazhdojë aktivitetin intensiv të sulmeve në Teheran për të neutralizuar objektivat e regjimit dhe infrastrukturën terroriste në Teheran, pas operacionit të djeshëm”, tha Katz në një deklaratë të cituar nga gazeta Yedioth Ahronoth.
Ministria shtoi se ky veprim erdhi si përgjigje ndaj “shkeljes së armëpushimit të shpallur nga Presidenti i SHBA-së nga ana e Iranit” dhe pas një sulmi me raketa të lëshuara drejt territorit izraelit, ka raportuar Anadoly.
Sipas ushtrisë izraelite, të martën në mëngjes u dëgjuan sirena alarmi në veri të vendit pas zbulimit të një vale të re raketash të lëshuar nga Irani.
Sulmi i dyshuar ndodhi pasi Izraeli kishte njoftuar se kishte pranuar një marrëveshje armëpushimi dypalëshe me Iranin, në një kërkesë nga presidenti amerikane, Donald Trump.
