Pesë persona janë arrestuar të shtunën (21 qershor) si të dyshuar për lëndim të rëndë trupor gjatë një përleshjeje fizike mes disa personave.
Sipas Policisë, përleshja ku dyshohet se janë përdorur mjete të forta dhe një thikë ka ndodhur të premten (20 qershor) rreth orës 23:00, në rrugën “Skënder Salihu” në Shtime.
Si pasojë, dy persona kanë pësuar lëndime të rënda trupore dhe janë dërguar për trajtim mjekësor në Qendrën Klinike Universitare të Kosovës në Prishtinë.
“Hetuesit rajonalë nga Sektori i Hetimeve Rajonale në bashkëpunim me njësitet policore në Shtime, të autorizuar nga prokurori kujdestar, më 21.06.2025 kanë ndërmarrë veprime hetimore dhe rreth orës 22:40 kanë arrestuar pesë persona të dyshuar: A. M. (19 vjeç), Sh. R. (19 vjeç), E. S. (18 vjeç), A. M. (17 vjeç) dhe L. M. (17 vjeç). Sipas hetimeve paraprake, mes palëve kishte pasur konflikte të mëhershme, ndërsa përleshja ka ndodhur pas një fjalosjeje gjatë lëvizjes me veturë në të njëjtën rrugë. Tre të dyshuar (A. M., Sh. R. dhe E. S.) janë ndaluar për 48 orë me vendim të prokurorit, ndërsa dy të miturit janë liruar në procedurë të rregullt”, thuhet në njoftim.
