Nico Williams do të jetë transferimi i madh i Barcelonës në këtë afat kalimtar të verës.
Në fakt, Williams ka marrëveshje me Barcelonën, ekip që po negocion me Athletic Bilbaon për lirimin e tij.
Sulmuesi i krahut, ka pranuar ofertën e Barcelonës dhe po pret marrëveshjen mes klubeve për ta finalizuar transferimin e tij.
Ai është pajtuar me një kontratë gjashtëvjeçare dhe pagë vjetore prej tetë milionë eurosh.
22-vjeçari ka kontratë me Bilbaon deri në vitin 2027, ndërsa sezonin e fundit ka shënuar 11 gola dhe ka bërë 7 asistime në të gjitha garat.
