Ministri i Mbrojtjes, Ejup Maqedonci, të mërkurën ka pritur në takim një pjesë të delegacionit nga shteti amerikan i Iowa-s, përkatësisht Hollie Zajicek dhe Jaki Livingston.
Maqedonci, nëpërmjet në postimi në Facebook ka njoftuar se temë diskutimi ka qenë eksplorimi i mundësive të thellimit dhe zgjerimit të bashkëpunimit në shumë fusha.
“Partneriteti me Shtetet e Bashkuara të Amerikës në veçanti me shtetin e Iowas është i një rëndësie të veçantë, dhe pikërisht eksplorimi i mundësive të thellimit dhe zgjerimit të bashkëpunimit në shumë fusha ishte temë e diskutimit. Me shtetin e Ioëas kemi histori bashkëpunimi 14 vjeçare, dhe ky partneritet do të vazhdojë gjatë në funksion të progresit të vendit tonë dhe ndërtimit të urave të miqësisë”, ka shkruar Maqedonci.
