Kryetari i PDK-së, Memli Krasniqi ka deklaruar se e sheh pozitivisht faktin që Trump e përmend Kosovën dhe temat të cilat ai do të merret gjatë mandatit të tij.
Krasniqi thotë se bllokada e cila po vazhdon është e dëmshme për pozicionin e Kosovës.
Derisa, ai tha se është një kërkesë nga ShBA-të për të pasur proaktive në raport me marrëveshjen potenciale mes Kosovës dhe Serbisë.
“Unë e shoh pozitivisht faktin që Trump e përmend Kosovën dhe e shef si një nga temat të cilat ai do të merret gjatë mandatit të tij, por pasi të mendojmë për pozicioni e ShBA-së, vërtetë neve na takon të mendojmë ku është Kosova sot dhe bllokada e cila po vazhdon është e dëmshme edhe për pozicionin e Kosovës. Ka një kërkesë nga ShBA-të për të pasur një më proaktive në raport me marrëveshjen potenciale mes Kosovës dhe Serbisë. Nëse ne nuk i kemi institucionet e konsoliduara kjo gjithsesi që e dëmton pozicionin e Kosovës”, ka deklaruar Krasniqi pas dështimit të 33-të për konstituimin e Kuvendit./teve1.info/
