Ish- zëvendësministri i Administrimit të Pushtetit Lokal, Bajram Gecaj ka reaguar pas deklaratës së ish-kryetarit të Komisionit Shtetërorë për demaskimin e kufirit me Malin e Zi, Shpejtim Bulliqi.
Bulliqi në emisionin “Këndi i Debatit” në Tëvë1, ka thënë se në kohën e qeverisjes së Isa Mustafës në një takim në Shkodër Mali i Zi ka shprehur gatishmërinë për të negociohet për çështjet e diskutueshme në këtë proces, por që sipas tij nga pala kosovare s’ka pas vullnet ta hapin këtë temë.
Gecaj për Tëvë1 ka thënë se nuk ka pas një takim të tillë në Shkodër.
“Kur të hyni në LVV, edhe mos me dashtë e edhe mos me dité me gënjy duhet me u mësu, ndërsa Bulliqi këtë zanat e ka pas para se me hy aty. Nuk është e vërtetë se ka pasë ndonjë takim të tillë në Shkodër në të cilin Qeveria nuk ka dashur ta filloj këtë proces, sepse ne çështjen e demarkacionit nuk e kemi qitë fare në Kuvendin e Kosovës, ndërsa pa aprovim në Kuvend nuk do të kishte mundur të filloi shenjëzimi në terren”, ka thënë Gecaj.
Bulliqi gjithashtu ka thënë se demrakimi i kufirit ndërmjet Kosovës dhe Malit të Zi është ende i hapur, por sipas Geajt kjo çështje është vetëm teknike pasi është përballë me vendim të Kuvendit në Qeverinë Haradinaj.
“Vija kufitare është aprovuar në kohën e Qeverisë Haradinaj, ndërsa LVV nuk e ka bërë asnjë hap për ta ndryshuar këtë. Shenjëzimi i kufirit është tani vetëm çështje teknike. Çështjen e demarkacionit me Malin e Zi e ka përmbyllur Kuvendi në Qeverinë Haradinaj. Çfarë është e vërtetë është se dhuna u është shpërblyer; edhe Haradinaj’n e edhe Kurtin i ka bë kryeministra – demarkacioni nuk ka lëvizë as edhe një centimetër, ndërsa Asociacionin e kanë shndërruar në “vetë-menaxhim” (lexo: autonomi)!”, ka thënë Gecaj.
Marrëveshja për demaskimin e kufirit ndërmjet Kosovës dhe Malit të Zi ishte miratuar nga Kuvendi i Kosovës në vitin 2018.
Marrëveshja e Demarkacionit ndërmjet Kosovës dhe Malit ishte firmosur në Vjenë më 26 Gusht të vitit 2015.
Kjo marrëveshje ishte kundërshtuar nga LVV e AAK sa ishte në opozitë e Nisma me pretendimet se Kosova humbë 8 mijë hektarë tokë.
Bulliqi: Demarkimi i kufirit me Malin e Zi është akoma i hapur
