Presidenti i FFK-së Agim Ademi ka reaguar ndaj lajmeve për një marrëveshje të mundshme të përzgjedhësit Franco Foda, me skuadrën nga Arabia Saudite, Al- Wahda.
Përmes një postimi në Facebook, Ademi ka qetësuar tifozët e kombëtares dardane, duke thënë se nuk di për një marrëveshje dhe se Foda ka obligime kontraktuale me FFK-në.
“Pas raportimeve se përzgjedhësi Franco Foda është pranë largimit nga posti i tij në Kombëtaren tonë, dëshiroj të informoj opinionin publik se as unë, si President, dhe as FFK-ja si institucion, nuk kemi marrë asnjë njoftim zyrtar nga përfaqësuesit e përzgjedhësit Foda apo nga ndonjë palë tjetër.
Foda aktualisht ka obligime kontraktuale me ne dhe presim që ato obligime të përmbushen, veçanërisht tani, në këtë fazë të rëndësishme të fushatës kualifikuese për Kampionatin Botëror, drejt së cilës shkojmë me optimizëm dhe dëshirë të madhe për sukses”, ka shkruar Ademi.
