Kryetari i Partisë Demokratike të Kosovës, Memli Krasniqi ka akuzuar Lëvizjen Vetëvendosje për bllokim të konstituimit të Kuvendit.
Ai ka thënë se situata ka kaluar çdo kufi dhe së më kjo nuk është politikë, por përpjekje për bllokadë.
“Katër muaj në vonë, sot, është pikërisht ajo partia e mentalitetit monist, LVV-ja ajo që nuk e lejon të konstituohet Kuvendi e më pas edhe themelimi i Qeverisë së re. Tashmë ka kaluar çdo kufi i racionalitetit, kjo më nuk është politikë, kjo është tendencë për të mbajtur në bllokadë dhe për të mbajtur peng vullnetin e qytetarëve të Kosovës. Ne si PDK besojmë se vendi i duhet sa më parë jo vetëm Kuvendi por edhe qeveria e re”, ka thënë ai në një deklarim për media.
Krasniqi për paralajmërimin e kryetarit të LDK-së, Lumir Abdixhiku për një platformë 15 pikëshe për Qeverinë e Unitetit, ka thënë se për këtë nuk ka çfarë të diskutohet, pasi po refuzohet nga Vetëvendosje.
“Qeveritë e tilla nënkuptojnë së duhet qenë krejt bashkë dhe LVV-ja e ka refuzuar qysh në start, pra nuk kemi çfarë të diskutojmë për këtë çështje, ka thënë ai.
