Hera e parë dhe e fundit, që po paraqitet në Gjykatë.
Për akuzat e Prokurorisë Speciale për spiunazh dhe armëmbajtje pa leje, Aleksandër Vlajiq, nuk e zgjati procesin gjyqësor.
Ai arriti marrëveshje me Prokurorinë Speciale për pranim të fajësisë.
Megjithatë, një përmbledhje e akuzave ndaj tij, u lexuan në Gjykatë.
Prokurori special Bekim Kodraliu, tregoi edhe për dënimin për të cilën janë marrë vesh me palën e akuzuar.
Pretendimet e prokurorisë se shërbeu si agjent i BIA-s duke mbledhur informacione që rrezikonin rendin kushtetues dhe sigurinë kombëtare të Kosovës, edhe avokati i Vlajiq u shpreh se ai i ka pranuar veprimet.
Madje, sipas tij ka shprehur pendim.
“Kemi pasur takim preliminar për pranimin e fajësisë kemi bërë negociata për arritjen e marrëveshjes dhe në fund është arritur marrëveshja për pranimin e fajësisë. Kjo marrëvshje është arritur me pjesëmarrjen e kryeprokrurorit të prokurorisë speciale. I pandehuri në rastin e lidhjes së marrëveshje ka treguar pendim dhe keqardhje për veprën penale të cilën e ka kryer. Ka premtuar që në të ardhmen, nuk do të kryejë vepra penale”, tha avokati.
Gjykata Themelore në Prishtinë, pranoi marrëveshjen mes palëve.
Aktgjykimi për këtë rast, që është i pari për spiunazh në sistemin e drejtësisë në Kosovë, u shpall po të njëjtën ditë.
Vlajiq për një kohë kishte qenë edhe pjesëtar i Policisë së Kosovës, ku nga aty akuzohej se kishte marrë dhe shpërndarë informacione tek BIA serbe.
Vlajiq do të qëndrojë në paraburgim derisa aktgjykimi të bëhet i plotfuqishëm.
