Federata Shqiptare e Futbollit (FSHF), ka njoftuar se deri të mërkurën nuk do të shpërndahen të gjitha biletat për duelin mes Shqipërisë dhe Serbisë.
Mirëpo, FSHF, tashmë ka shpërndarë një pjesë të biletave dhe procesi i shpërndarjes së tyre po vazhdon.
Megjithatë, në tregun e zi, përkatësisht në faqe të ndryshme të shitblerjes në internet, tashmë po ofrohen biletat për këtë ndeshje.
Çmimi i këtyre biletave është prej qindra eurove në tregun e zi, përkundër tentimeve të FSHF-së për të ndaluar një gjë të tillë.
Dueli Shqipëri – Serbi, luhet të shtunën prej orës 20:45 dhe i takon kualifikimeve për Botërorin e vitit 2026.
