Dy persona janë lënduar në një aksident trafiku që ka ndodhur pas orës 18:00, ndërmjet një veture dhe një motoçiklete në rrugën “Besim Shala” në fshatin Grazhdanik, Prizren.
Sipas Policisë së Kosovës drejtuesi i motoçikletës është dërguar në QKUK dhe sipas deklaratës së mjekut kujdestar në Spitalin e Prizrenit gjendja e tij është e rëndë.
“Aksidenti ka ndodhur në mes të një veture dhe një motoçiklete. Si pasojë e këtij e aksidentit janë shkaktuar dëme të mëdha materiale. Përveç dëmeve materiale, lëndime trupore kanë pësuar ngasësi i motoçikletës dhe pasagjeri në veturë. Për shkak të natyrës së lëndimeve të rënda, ngasësi i motoçikletës është dërguar menjëherë në Qendrën Klinike Universitare të Kosovës (QKUK) në Prishtinë për trajtim të mëtejshëm mjekësor. Sipas deklaratës së mjekut kujdestar të emergjencës në Spitalin e Prizrenit, gjendja shëndetësore e tij është e rëndë”, ka thënë Shaqit Bytyqi, zëdhënës i Policisë për rajonin e Prizrenit.
Ai ka thënë se njësitet përkatëse policore kanë dalë në vendngjarje dhe kanë ndërmarrë të gjitha veprimet e nevojshme hetimore për sqarimin e plotë të rrethanave të aksidentit./teve1.info/
