Katër persona janë arrestuar nën dyshimin për kryerjen e veprës penale ‘Importi, eksporti, furnizimi, transportimi, prodhimi, këmbimi, ndërmjetësimi ose shitja e pa autorizuar e armëve ose mjeteve plasëse’.
Në njoftimin e Policisë bëhet e ditur se arrestimi i të dyshuarve është bërë pas bastisjes së tetë lokacioneve, të mërkurën në rajonin e Prishtinës.
Lidhur me rastin janë gjetur dhe sekuestruar: një pushkë automatike AK-47, 23 fishekë, dy magazina (karikator), një bajonetë, një thikë, 78 gram të substancës së dyshuar narkotike, si dhe pajisje elektronike, gjithsej shtatë telefona celularë.
Pas marrjes në pyetje dhe procedurave të rastit, me urdhër të prokurorit të rastit, thuhet se katër të dyshuarit meshkuj kosovarë janë liruar në procedurë të rregullt./teve1.info/
