Ministrja në detyrë e Drejtësisë, Albulena Haxhiu ka folur për aksionin e Policisë i cili po zhvillohet në Agjencisë për Zhvillim të Bujqësisë në kuadër të Ministrisë së Bujqësisë.
Ajo ka thënë se në këtë rast nuk asgjë për t’u fshehur.
Në një deklarim për media ajo ka thënë se ministri Peci është i gatshëm dhe i interesuar për zbardhjen e këtij rasti.
“Ministri Faton Peci ka bë një punë shumë të mirë në Nuk ka asgjë për të fshehur këtu, ne kemi pas një bisedë para disa dite edhe sot për këtë cështje. Ai është shumë i hapur të bashkëpunojë me institucionet për të zbardhur këtë plan për ta dëmtuar ministrin Peci, kryeministrin Kurti, nuk asgjë për të fshehur”, ka thënë Haxhiu.
Prokuroria Speciale ka thënë se bastisjet po zhvillohen mbi dyshimet për Fabrikën për përpunimin e mbetjeve shtazore.
“Ju njoftojmë se Policia e Kosovës, me urdhër të Prokurorisë Speciale të Republikës së Kosovës është duke zhvilluar bastisje në katër lokacione. Bastisjet po zhvillohen mbi dyshimet për Fabrikën për përpunimin e mbetjeve shtazore. Për detaje të tjera, publiku do të njoftohet gjatë ditës”, ka deklaruar Nora Luta, zëdhënëse e Prokurorisë Speciale
