Kancelari gjerman Olaf Scholz, muajin e ardhshëm do të qëndrojë për vizitë në vendet e Ballkanit Perëndimor. Burimet e tëvë1, bëjnë të ditur që kancelari do të qëndrojë për vizitë edhe në Kosovë. Në anën tjetër, mediat gjermane kanë raportuar se Scholz, do të qëndrojë edhe në Serbi.
Temat e diskutimit nuk janë bërë ende të ditura zyrtarisht, por fakti që do të vizitojë Kosovën dhe Serbinë, për njohësen e çështjeve politike Magbule Shkodra, është tregues se vizita e tij ka për qëllim të dëshmojë përkushtimin gjerman në raport me dialogun.
Publicisti nga Shqipëria, Ben Andoni, në një prononcim për tëvë1, tha se kancelari gjerman do të vijë me qëndrime të qarta për dialogun Kosovë – Serbi.
Në vitin 2011, kancelarja e atëhershme gjermane Angela Merkel ka qëndruar për vizitë në vendin tonë. Ndërkohë, vizita e Scholz-it pritet të jetë e para që nga ajo kohë që realizohet nga një kancelar gjerman.
Raporti i gazetarit Valmir Gallopeni.
