Kryetari i Lidhjes Demokratike të Kosovës, Lumir Abdixhiku të martën ka pritur në takim ambasadorin e ri të Italisë në Kosovë, Maurizio Antonini.
Abdixhiku ka thënë se Italia ka qenë gjithmonë një mbështetëse e fuqishme e pavarësisë dhe shtetndërtimit të Kosovës dhe një mike e çmuar në rrugëtimin drejt Bashkimit Evropian.
Ai ka njoftuar se me Antoninin kanë biseduar për zhvillimet politike në vend, sfidat aktuale, perspektivën euroatlantike të LDK-së, si dhe për qëndrimet e fundit të LDK-së mbi krizën politike.
“Sot, prita në Selinë Qendrore të LDK-së, Ambasadorin e ri të Italisë në Kosovë, Maurizio Antonini. E urova për fillimin e mandatit të tij në Kosovë dhe i urova sukses në detyrën e re. Italia ka qenë gjithmonë një mbështetëse e fuqishme e pavarësisë dhe shtetndërtimit të Kosovës – dhe një mike e çmuar në rrugëtimin tonë drejt Bashkimit Evropian. Me ambasadorin Antonini biseduam për zhvillimet politike në vend, sfidat aktuale dhe perspektivën tonë euroatlantike. E njoftova mbi qëndrimet e fundit të LDK-së mbi krizën e paprecedentë politike në vend. Shpreha gatishmërinë tonë për bashkëpunim të ngushtë institucional me ambasadën italiane dhe përfaqësuesit e saj diplomatikë në Prishtinë. E falënderova për vizitën, i shpjegova dhe gjithë historinë e madhe të LDK-së dhe i urova një mandat të suksesshëm në Kosovë”, ka shkruar Abdixhiku në Facebook./teve1.info/
