Policia e Kosovë ka bërë të ditur se në fshatin Vaganicë të Mitrovicës, ka sekuestruar një pushkë gjuetie pasi që i dyshuari nuk ka poseduar leje për armëmbajtje, raporton teve1.info
“Si rezultat i veprimeve të shpejta, njësitet policore në Mitrovicën e Jugut dhe në Vushtrri, gjatë ditës së djeshme në dy raste të ndryshme kanë sekuestruar dy armë zjarri. Sekuestrimi i një arme pushkë gjuetie është realizuar në fshatin Vaganicë të Mitrovicës, pasi arma është gjetur në posedim te i dyshuari i cili nuk posedonte leje për armëmbajtje”, thuhet në njoftim.
Ndërsa në fshatin Smrekovnicë të Vushtrrisë, Policia ka sekuestruar një armë të llojit pistoletë me dy fishekë, pas informacioneve se i dyshuari ka shtënë me armë zjarri në një aheng familjar.
“Ndërsa sekuestrimi i armës të llojit pistoletë me dy fishekë është realizuar në fshatin Smrekovnicë të Vushtrrisë, pas informacioneve se i dyshuari kishte shtënë me armë në një aheng familjar. Ndaj dy të dyshuarve janë iniciuar raste për veprat penale “Përdorim i armës” dhe “Mbajtje në pronësi, kontroll ose posedim të pa autorizuar të armës”, ka bërë të ditur Policia e Kosovës.
