Një person është arrestuar të shtunën në Istog nën dyshimin se pas një mosmarveshjeje me një grua ka ekspozuar një armë zjarri.
Sipas Policisë, gjatë kontrollit të shtëpisë të dyshuarit i janë gjetur dhe sekuestruar 11 gëzhoja të llojeve të ndryshme, por jo edhe arma e zjarrit që dyshohet se është ekspozuar.
I njëjti me vendim të prokurorit bëhet e ditur se është dërguar në mbajtje.
“Është arrestuar i dyshuari mashkull kosovar, pasi që dyshohet se pas një mosmarveshje me viktimën femër kosovare ka ekspozuar një armë zjarri. Gjatë kontrollit të shtëpisë i janë gjetur dhe sekuestruar 11 gëzhoja të llojeve të ndryshme. Arma e zjarrit që dyshohet se është ekspozuar nuk është gjetur. Me vendim të prokurorit i dyshuari është dërguar në mbajtje”, thuhet në raportin e PK-së./teve1.info/
