Presidenti polak, Andrzej Duda u tha ligjvënësve ukrainas të dielën se “bota e lirë sot ka fytyrën e Ukrainës”, sipas një deputeti ukrainas.
Roman Hryshchuk postoi një foto të Dudës duke iu drejtuar dhomës me ligjvënës që mbanin lart një flamur të Ukrainës blu dhe të verdhë.
“Të dashur ukrainas, të afërmit tuaj – gratë, prindërit, fëmijët – që u detyruan të largoheshin për në Poloni, nuk janë refugjatë në vendin tonë. Ata janë mysafirët tanë,” shkroi Hryshchuk në Twitter në anglisht, duke cituar Dudën.
Gati 3.5 milionë refugjatë ukrainas kanë hyrë në Poloni që nga pushtimi rus në shkurt, duke e bërë atë deri tani vendin më të madh pritës për njerëzit që ikin nga vendi, sipas Komisionerit të Lartë të Kombeve të Bashkuara për Refugjatët, raporton CNN
Duda i tha gjithashtu Volodymyr Zelenskit se “askush nuk mund të prishë unitetin tonë” gjatë fjalimit, pasi ai u bë lideri i parë i huaj që nga pushtimi rus që i drejtohet parlamentit të Ukrainës, Rada, në Kiev.
