Sipas tij, duhet të mendohet për humbjet që po u shkaktohen nxënësve në fund të vitit.
“Është koha që të dyja palët të ulën edhe të bisedojnë dhe të merren vesh për hapat e mëtejshëm dhe t’i zgjidhin problemet. Edhe mësimdhënësit dhe vendimmarrësit e Qeverisë duhet të mendojnë mirë e mirë deri sa të marrin një vendim për një grevë të tillë. Duhet të mendojmë se çfarë humbje mund të ketë për nxënësit të cilët janë në fund të vitit”, tha ai në emisionin “Ditari” në Tëvë1.
Ai thotë se tani është edhe testi i maturës dhe sindikata të merret me greva, sipas tij është një strategji e gabuar.
“Tash kemi edhe testin e arritshmerisë ku ata duhet të jenë të fokusuar që të përgatiten nxënësit për vlerësimet e jashtme dhe ne të merremi me çështjen e grevave po më duket pak një strategji e gabuar e sindikatës për shkak se po e nxisin një pakënaqësi momentet më delikate. Kjo ndoshta është strategji e tyre për të shfrytëzuar këtë momentum për të bërë presion në Qeveri, por është shumë më mirë që të dialogohet nga të dyja palët dhe të zgjidhet problemi ashtu siç meritohet”, ka thënë Potera. /teve1.info/