Kryetari i Nismës Socialdemokrate, Fatmir Limaj pas përfundimit të seancës ka thënë se ajo çfarë ndodhi sot në Kuvend nuk është në praktikën parlamentare.
Limaj është shprehur se Nisma nuk do të marrë pjesë në asnjë variant tjetër të votimit përvec se në votime sipas praktikave parlamentare dhe ligjit.
“Kjo nuk është rruga që duhet të ndiqet. Kjo që ndodhi sot nuk është në praktikën parlamentare siç e dini kryetarët e Kuvendit janë zgjedhur me votim të hapur. Dhe ne si Nisma marrim pjesë në votim ashtu siç e njohin praktikat parlamentare dhe sipas ligjit. Në asnjë variant tjetër që bën shkarje nga praktikat parlamentare ne nuk jemi pjesmarrës në ato procese të votimeve”, ka deklaruar ai.
