Deputetja e LDK-së, Hykmete Bajrami ka thënë se nuk është përgjegjësi e opozitës për ta zhbllokuar situatën, por është e Lëvizjes Vetëvendosje.
Sipas Bajramit qytetarët e vendit nuk kanë votuar në zgjedhjet e 9 shkurtit për ta dërguar vendin sërish në zgjedhje.
Ajo ka shtuar se nuk ka forcë politike që e imponon votën e deputetëve në Kuvendin e Kosovës.
“Qytetarët e vendit nuk kanë votuar në zgjedhjet e 9 shkurtit për ta dërguar vendin sërish në zgjedhje. Nuk është përgjegjësi e jona për ta zhbllokuar situatën, por e tyre. Nuk ka forcë politike që e imponon votën e deputetëve në Kuvendin e Republikës së Kosovës”, ka thënë ajo pas dështimit të seancës për konstituimin e Kuvendit.
Ndryshe, për të shtatën herë me radhë ka dështuar të konstituohet legjislatura e nëntë e Kuvendit të Kosovës.
Lëvizja Vetëvendosje, si partia e parë në zgjedhjet e 9 shkurtit, sërish ka nominuar Albulena Haxhiut si kryeparlamentare, mirëpo ajo sërish mori vetëm 57 vota për, nga 61 vota të nevojshme për të marrë këtë post.
