Sipas tij, qëllimi i kësaj vizitë nuk është vetëm për shkaqe ekonomike, por edhe për të thelluar më shumë marrëdhëniet politike të Kosovës me Shtetet e Bashkuara të Amerikës.
“Arsyeja pse ne flasim aq shumë për vizitën e kryeministrit Kurti në SHBA, është për shkak se opozita ka ndërtuar një tregim që ai nuk mund të shkojë në SHBA. Vizita pra përpos komponentës ekonomike, investive, ka pasur edhe komponentin e karakterit politik dhe për të thelluar edhe më shumë marrëdhëniet tona politike me SHBA-në ndërmjet takimeve me përfaqësues politik”, tha Kryeziu për emisionin “infonata” në Tëvë1.
Gjithashtu, ai tregoi se Kurti vizitën e tij në SHBA do ta vazhdojë edhe gjatë kësaj jave.
Sipas Kryeziut vizita e Kurtit në ShBA ka tejkaluar formatin e vizitave të liderëve të mëhershëm.
“Kryeministri do ta vazhdojë vizitën e tij edhe gjatë kësaj jave. Kjo vizitë e ka tejkaluar formatin e vizitave që rëndom kanë bërë përfaqësues të lartë të shtetit tonë në shtetet e Bashkuara të Amerikës”, deklaroi ai.
Që nga 6 maji, kryeministri Albin Kurti e ka nisur vizitën zyrtare në Shtetet e Bashkuara të Amerikës.
