Për të pestën herë sot (e mërkurë) do të tentohet të bëhet konstituimi i Kuvendit pas katër përpjekjeve të dështuara.
Seanca pritet të nisë nga ora 10:00.
Në rend dite është zgjedhja e kryetarit të Kuvendit. E propozuara e LVV-së, Albulena Haxhiu nuk ka arritur të marrë votat e mjaftueshme në vazhdimin e seancës më 17 e 19 prill.
Ndërsa, në seancën e së shtunës më 21 prill, Vetëvendosje nuk propozoi fare emrin për kryetare të Kuvendit, ndonëse tha se ajo është Albulena Haxhiu.
Kjo sipas nënkryetarit të kësaj partie, Glauk Konjufca u bë duke parë qëndrimet e partive politike të PDK-së, LDK-së e AAK-së.
Ai tha se duhet të ketë një marrëveshje politike. Nga PDK thanë se LVV duhet ta ndërrojë kandidaten, pa treguar nëse do të shkojnë për konsultime me LVV-në.
Nga ana tjetër LDK ka përjashtuar që mundësi diskutimi apo marrëveshje me LVV-në për këtë çështje.
Edhe nga AAK kanë thënë se LVV-ja duhet ta ndryshojë kandidaten.
Fatmir Limaj, kryetar i Nismës ka thënë propozimi i LVV-së ishte i drejtë për të gjetur një rrugëdalje, duke shprehur bindjen se institucionet do të formohet shpejtë.
Nga LVV ka thënë se nuk e ndryshojnë kandidaten e tyre, duke shprehur bindjen se opozita do të tërhiqet nga qëndrimet e tyre, ashtu si më çështjen e mandateve./teve1.info/
