Algjeria ka urdhëruar 12 zyrtarë të ambasadës franceze të largohen nga vendi brenda 48 orëve, ka konfirmuar ministri i Jashtëm francez për të përditshmën franceze Le Figaro.
Kryediplomati francez, Jean-Noël Barrot pretendoi se dëbimet ishin një përgjigje ndaj akuzës ndaj tre shtetasve algjerianë të premten në Paris – duke përfshirë zyrtarin konsullor – me akuza përfshirë rrëmbimin, ndalimin arbitrar dhe izolimin e paligjshëm dhe pjesëmarrjen në një organizatë terroriste.
Ministria e Jashtme e Algjerisë tha se kishte thirrur ambasadorin francez, Stéphane Romatet në përgjigje për të “shprehur protestën e saj të fortë” dhe bëri thirrje për lirimin e menjëhershëm të zyrtarit, sipas agjencisë zyrtare të lajmeve algjeriane, raporton BBC.
Ai shtoi se individi “u arrestua në publik dhe më pas u dërgua në paraburgim pa njoftim përmes kanaleve diplomatike”.
Ministria pretendoi se masa nuk ishte “një rastësi pasi ndodh në një kontekst shumë specifik me synimin për të penguar procesin e rifillimit të marrëdhënieve dypalëshe”.
Rasti është i fundit në një numër në rritje incidentesh që kanë përkeqësua marëdhëniet diplomatike midis Francës dhe Algjerisë.
Të hënën, Barrot tha: “Unë po u kërkoj autoriteteve algjeriane të heqin dorë nga këto masa dëbimi… nëse vendimi për të kthyer zyrtarët tanë ruhet, ne nuk do të kemi zgjidhje tjetër veçse të përgjigjemi menjëherë.”
