Hamasi ka njoftuar të shtunën se ka dërguar një delegacion në Kajro për t’u takuar me ndërmjetësuesit egjiptianë dhe ata të Katarit, si pjesë e përpjekjeve për të arritur një marrëveshje për ndalimin e sulmeve izraelite në Rripin e Gazës.
Delgacioni do të kryesohet nga zyrtari i lartë i Hamasit, Khalil Al-Hayya, raporton Anadoly.
Hamasi theksoi në një postim në Telegram se “po i afrohet pozitivisht çdo propozimi nëse garanton një armëpushim të përhershëm, tërheqjen e plotë të forcave izraelite nga Rripi i Gazës, fundin e vuajtjeve të popullit tonë palestinez dhe një marrëveshje serioze për shkëmbimin e të burgosurve”.
Izraeli rifilloi ofensivën e tij në Gaza më 18 mars, duke thyer marrëveshjen e armëpushimit dhe shkëmbimit të të burgosurve që filloi në janar.
Që nga tetori 2023, më shumë se 50,900 palestinezë, kryesisht gra dhe fëmijë, janë vrarë në Gaza gjatë sulmit të Izraelit.
