Në njoftim thuhet se në rastin e parë është parandaluar kontrabandë me kafshë më konkretisht dele, në fshatin Debëlldeh të Vitisë, të cilat dyshohen se kanë hyrë nga territori i Republikës së Maqedonisë së Veriu përmes rrugëve ilegale në vendin tonë.
“Në rastin e parë, në ora 13:35, patrulla policore në fshatin Debëlldeh të Vitisë, ka ndaluar kamionin me targa vendore të cilin e drejtonte një mashkull kosovar, në kamionin e të cilit gjendeshin 50 krerë dele, dyshohet se kamion me dele ka hyr nga territori i Republikës së Maqedonisë së Veriu përmes rrugëve ilegale në vendin tonë”, thuhet në njoftim.
Kurse rasti i dytë sipas Policisë ka ndodhur në magjistralen Bërnjak-Mitrovicë, ne fshatin Zupqë.
“Në rastin e dytë, në ora 19:45, njësia policore në magjistralen Bërnjak-Mitrovicë, ne fshatin Zupqë, ka ndaluar një kamion pa targa, me drejtues mashkull kosovar, në kamionin e të cilit janë hasur 50 krerë dele. Dyshohet se delet përmes rrugëve ilegale kanë hyr nga Serbia në territorin e Republikës së Kosovës”, thuhet tutje.
Për të dyja rastet janë njoftuar prokurorët kompetent, janë iniciuar raste penale, kurse kamionët së bashku me dele u janë dorëzuar Doganës së Kosovës.
