Në takimin e parë, nuk patën mundësi të bënin fotografi. Por, këtë mundësi nuk e lëshuan në takimin e dytë.
Këtë fotografi, Mustafë Hoxha e Hysni Gucati, e bën në përurimin e shtatores së komandantit Adem Jashari në Skenderaj.
E takimi i parë i tyre, ishte në rrethana krejt të tjera.
Në qershor të vitit 1999, Hysni Gucati u plagos rënd në Malet e Berishës.
Kurse me Mustafë Hoxhën nga Nekovci, u takua në Spitalin Ushtarak të Tiranës.
E bashkëluftëtari i Gucatit, Nazif Gucati, tregon se si u plagos ish-kreu i Organizatës së Veteranëve të Luftës.
E të gjithë këta, se bashku me familjarët, u mblodhën mëngjesin e së mërkurës në shtëpinë e Gucatëve.
Nën emocione, po e presin aktgjykimin final, për dy ish-luftëtaret e UÇK-së në Gjykatën Speciale në Hagë.
E momenti që e priten që dy vjet, erdhi.
Por me këtë vendim, nuk po pajtohen assesi familjarët.
Ndërsa Avdi Gucati, tregon se çfarë i thoshte kushëriri i tij e Nasim Haradinaj, kur bisedonte ma ta.
E për vizitë tek familja Gucati, ishte edhe ish-komandanti i UÇK-së, Sami Lushtaku.
“Vendim puro politik, se është e pakuptimtë të dënohesh për dosje që kanë rrjedh prej vet atyre, edhe pse ata (Dhomat e Specializuara) nuk e pranojnë që janë dosje të tyre. Atëherë nëse është kështu, pse të dënohet dikush për dosje që nuk qenkan të gjykatës”, tha ai për tëvë1.
Gucati e Haradinaj u dënuan me arsyetimin për publikimin e dokumenteve të Gjykatës Speciale, të cilat ishin sjellë nga persona të panjohur në zyrat e OVL UÇK-së gjatë vitit 2020.
Raporti i gazetarit Fidan Zejnullahu.
