Bëhet e ditur se sot rreth orës 13:45, Policia e Kosovës, është informuar për të shtëna me armë zjarri në Klinë.
Në njoftim thuhet se dy persona janë plagosur me armë zjarri, dhe më pas të njëjtit janë dërguar në trajtim mjekësor.
“Më datë 18 maj 2022 rreth orës 13:40, Policia është informuar për të shtëna me armë zjarri në rrugën “Abedin Rexha” në Klinë.Policia menjëherë ka dalë në vendngjarje, aty është informuar se disa persona fillimisht janë rrahur mes veti, dhe si pasojë e rrahjes dy (2) persona janë plagosur nga arma e zjarrit.Të plagosurit janë dërguar me autoambulancë në Spitalin Rajonal në Pejë, për trajtim të mëtutjeshëm mjekësor”, thuhet në njoftim.
Tutje Policia e Kosovës ka bërë të ditur se tek të dyshuarit janë gjetur dhe konfiskuar, dy armë dymbëdhjetë fishek 9mm, tre fishek 65mm, dy gëzhoja, një brisk dhe një sprej.
“Pas një pune intensive të hetueseve të Stacionit Policor në Klinë, është arritur të identifikohen dhe arrestohen tre (3) persona të dyshuar, tek të cilët janë gjetur dhe konfiskuar, dy (2) armë (pistoleta), dymbëdhjetë (12) fishek cal: 9mm, tre (3) fishek cal 7.65mm, dy (2) gëzhoja, një (1) brisk dhe një (1) sprej OC”, thuhet tutje në njoftim.
Kurse të dyshuarve më vendim të prokurorit iu është caktuar masa e ndalimit policor prej 48-orësh./teve1.info/.
