Korporata Energjetike e Kosovës (KEDS) ka bërë të ditur se në orët e pasdites së sotme, në daljen rezonanca të kryeqytetit, ka ndodhur një prishje e kabllit 20kV.
Në një njoftim është bërë e ditur se ekipi i KEDS-it ka dalë në terren dhe ka gjetur prishjen.
Por, që afër vendit të ngjarjes, pronari i një shtëpie “i ka penguar punëtorët e kompanisë që t’i kryejnë detyrat”.
“I njëjti person ka thirrur edhe Policinë e Kosovës, e më pas është thirrur edhe Inspektorati i Punës, të cilët i kanë detyruar punëtorët t’i ndërpresin punimet për shkak të zhurmës së makinerisë, pavarësisht se një numër i konsumatorëve aty ka mbetur pa furnizim me energji elektrike”, thuhet në njoftim.
Tutje, në njoftim thuhet se ekipit të KEDS-it i është thënë që punimet mund t’i vazhdojnë vetëm gjatë ditës./teve1.info/
