Afër fotografisë së rreshterit Muhamed Lika, u vendos edhe një libër i kujtimeve.
Njerëzit nga mbarë Kosova po shkruajnë aty për humbjen e policit nga fshati Shtrazë i Komunës së Kaçanikut.
Të enjten, për ngushëllime te familja Lika erdhi edhe drejtori i Policisë së Kosovës, Gazmend Hoxha.
Ky tha se i gjithë institucioni po punojnë për zbardhjen e vrasjes së rreshterit Lika.
E pak metra larg të pamës nga familjarët gjendet edhe lokali i rreshterit.
Hoxha thotë se nuk kanë arritur ende të verifikojnë se a ka ndonjë ndërlidhje mes rasteve.
Për lokalin dhe djegien e tij nuk pranuan të flasin familjarët e rreshterit.
Ata vetëm i treguan televizionit se as atëherë nuk ka pasur probleme personale ose të punës.
Rreshteri Muhamed Lika u vra mbrëmjen e së martës nga dy persona.
Të dyshuarit kanë ikur nga vendi i ngjarjes dhe ende nuk ka asnjë të arrestuar.
